Jeda Tourist kennt Wien bessa wia i

Jeda Tourist kennt Wien bessa wia i
Und des mocht mi hi
Heit losst´s ma ka ruah
I moch mit da Ubahn a Wien-Tour
I foa vom 10t´n aus
Bis Ottakring raus
Mit klanen hoits fia Tronk und Speiß –
Los geht’s, Leidln, echt ka scheiß.

Der Reumannplatz
Is a bsonderer Schatz
Ließt Eissalon doat
Is des des anzige deitsche Woat.
I iß beim Tiakn chinesische Nudln
A bsoffana Jugo wü si aufpudln
Kummt sei tschetschenischer Feind,
gibt eam a Bia, sogt heit bin i dei Freind.

Hauptbahnhof, Baustöhkrater.
I foah liaba weida richtung Prater.
De Reisenden zuckn duat aus
Wie es kennt si duat kana aus.
Es sicht da Godl und die Göd
Die Ubahn is am Oasch da Wöd.
Echt guat gmocht, Extraklasse.
So lockt ma on die Touristenmasse.

Taubstummengasse
Was riecht da meine Nase?
Bis Karlsplatz den vollen Mief
Von an Sandla-Biogasangriff.
Von an Rumänen angebettelt
Hab ihn schnell weckgeekelt.
Schnö aus´n Zug raus
Hoit jo kana des Harmonikagedudl aus.

Am Karlsplatz
Brauchst kann Drogenersatz.
A Mietbüble für´n schnellen Spaß
Brauch i ned, a ka Gras.
Die Oper und die Sezession
Kenn I olles schon.
Aber Achtung: Resslpark
Meidest besser in the dark.

Weiter geht’s zum Stephansplatz
Ein feiner Herr, a tolle Katz,
quer durch Schickies und Japaner,
und sonstige Touristenbaaner.
Scheene oide Heisa,
Touristeneinweiser,
Die Gegend hot scho an Flair,
i foah weida, damit i ned steah.

Vollgas bis zum Praterstern
Doat bin I goaned gean.
Von Sandla bist duat umzingelt
Mecht wissen, wos a Tourist empfindet
Welche Meinung er dann hat
Sucht er dort das Riesenrad.
Oba speda donn im Schweitzerhaus
Sauft er sich die Erinnerung dran raus.

U2 bis beim Schottentor
Findest vüle Studentn voa.
So vü junge Leid
Wos möchn de do um de Zeit?
De findst duat Tog und Nocht
Wean duat Übastundn gmocht?
Duat matans sicha earna Hian
Sonst tätns jo 10 Joah studian.

Volkstheater, Museumsquartier
Rosch 2 schnölle Bia
Zwischen Hippe und Hoiblustige
Wiakt da Innenhof richtig schee.
Electrobeats und Plastik
De Leit a bissl Kopflastig
De gonze Kultur
Entsponnt scheinboa ka spua…

Den Wastbahnhof vagisst kana
Lond da herumirrenden Japana
Multikulti Drehscheibe
Von an Bsoffenen die Speibe
Von Hotös komplett umzinglt
Einkaufsstrossn, wo di Kassa klinglt
Jehowas und Punks friedlich beinand
Hebelts aus da den Vastond.

In Ottakring is Endstation
Und auf des frei i mi schon.
A 16er Blech und a Wuascht
Füllt den Mogn, löscht den Duascht.
Thaliastrossn, fernsicht ins Grüne
Hebt die Laune und Gefühle
Olles locka am Hocka
Sogt da Punker do zum Rocka.

Wien is scho a bsondere Stodt
Wenns a die söbn Probleme wia da rest da Wöd hot
Des Essn is guad und kräftig
De Leid monchmoi Blöd und Heftig
De Politika zum vagessn
A guada Plotz zum saufn und fressn
Wo Unruhen ka Thema san
Gottseidonk bin i do daham.